Þetta er alls ekki tæmandi listi yfir það sem er innifalið í vefhýsingunni en gefur yfirlit yfir það helsta sem viðskiptavinir okkar spyrja um.

Hafir þú áhuga á að bæta við léni með sérstöfum er ekkert því til fyrirstöðu lengur. Isnic er með sérstakt tilboð til þeirra sem eiga lén sem passa við samsvarandi lén með sérstöfum. Ath. að hugbúnaður gesta þarf að umrita nafn lénsins þannig að ekki er sjálfgefið að hægt sé að slá þessi lén inn hvar sem er. Dæmi: http://www.íkon.is umritast sem xn--kon-qma.is.

Bæði orðin í fyrirsögninni tengjast hryllingi í huga okkar flestra í nánast öllu öðru samhengi. En þegar þau standa saman eru þau fagnaðarefni jafnvel grandvörustu einstaklingum. 

Ef þú færð ruslpóst að því er virðist frá vinum þínum eða tilteknum netföngum sem þú getur rakið til t.d. íslenskra léna / vefsíðna er ekki þar með sagt að viðkomandi sé ábyrgur fyrir sendingunni. Gerðu sjálfum þér greiða og slepptu því að hella þér yfir mann og annan af slíku tilfefni. Ef að líkum lætur værirðu að skammast í blásaklausu fólki. Fyrir alla muni láttu einnig vera að senda viðkomandi athugasemdir um vírusvarnir því þær eru engin trygging gegn misnotkun óprúttina aðila á netföngum fólks.

Ruslpóstsían Spam Assassin er eins og nafnið gefur til kynna vægðarlaus við ruslpóstinn. Ýmsir möguleikar bjóðast í uppsetningu þessarar þjónustu en allar stillingar fara fram í gegn um stjórnborðið (cpanel - sjá Spam Assassin undir E-Mail hlutanum).